महापरसाद के होइस विमोचन
भक्त माता करमा के असीम किरपा अउ गुरुदेव अरुण निगमके आसीस ले मोर पुस्तक छंदमय माता करमा चरित महापरसाद के विमोचन समारोह भामाशाह छात्रावास टिकरापारा रायपुर मा दिनांक 25/07/21के सम्पन्न होइस। सँगे जगदीश साहू के करमा चालीसा के विमोचन अउ छत्तीसगढ़ शासन द्वारा आयोग/निगम/ मंडल/ बोर्ड मा मनोनीत /नवनियुक्त साहू समाज के अध्यक्ष /उपाध्यक्ष /सदस्यगण मन के गरिमामयी सम्मान समारोह घलो सम्पन्न होइस। कार्यक्रम के मुख्य अतिथि ताम्रध्वज साहू गृह मंत्री छत्तीसगढ़ शासन रहिन। अध्यक्षता अर्जुन हिरवानी (अध्यक्ष छ.प्र.प्रदेश साहू संघ) एवं विशिष्ट अतिथि मोतीलाल साहू (कार्यकारी अध्यक्ष अ.भा. तैलिक. महासभा), श्रीमती ममता साहू (राष्ट्रीय अध्यक्ष महिला प्रकोष्ठ अ.भा.तै.महासभा), थानेश्वर साहू (पूर्व अध्यक्ष छ.ग. प्रदेश साहू संघ) अउ डॉ. बिहारी लाल साहू (वरिष्ठ साहित्यकार) रहिन।
कार्यक्रम के मुहतुर माता कर्मा मंदिर मा पूजा आरती अउ कार्यक्रम स्थल में राज्य गीत अरपा पैरी के धार ले होइस। एकर पाछू पहुना मन फूल माला ले परघाय गिस। माई पहुना श्री ताम्रध्वज साहू हा सबले पहिली गरिमामयी सम्मान समारोह मा छत्तीसगढ शासन द्वारा मनोनीत विपिन साहू (अध्यक्ष दुग्ध संघ छ. ग.शासन), संदीप साहू (अध्यक्ष- तेलघानी बोर्ड छ.ग.शासन), श्रीमती चित्रलेखा साहू (उपाध्यक्ष पर्यटन मंडल),पुरुषोत्तम साहू (सदस्य गौ सेवा आयोग ), श्रीमती तुलसी साहू (सदस्य राज्य महिला आयोग), झुमुकलाल साहू ( सदस्य श्रम कल्याण बोर्ड), अजय साहू ( सदस्य छ.ग.राज्य गृह निर्माण मंडल), श्रीमती अंबालिका साहू( सदस्य श्रम कल्याण मंडल) मुकेश साहू (सदस्य रायपुर विकास प्राधिकरण), विजय साहू ( सदस्य क्रेडा ),डेरहा राम साहू (सदस्य कृषक कल्याण परिषद) जगदीश दीपक साहू(सदस्य कृषक कल्याण परिषद), अश्वनी साहू (अध्यक्ष कृषि उपज मंडी दुर्ग) के सम्मान स्मृति चिह्न भेंट करके करिन । एकर पाछू महापरसाद के विमोचन होइस। साहित्य प्रकोष्ठ के साहित्यकार मन अपन अपन रचना घलो प्रस्तुत करिन ।
ये सम्मान समारोह महिला प्रकोष्ठ छ.प्र. साहू संघ,साहित्य कला व रचनात्मक प्रकोष्ठ छ.प्र. साहू संघ, किसान प्रकोष्ठ छ.प्र. साहू संघ व चिकित्सा प्रकोष्ठ छ.प्र. साहू संघ के संयुक्त तत्वावधान मा आयोजित होइस।
अपन उद्बोधन मा गृह मंत्री छत्तीसगढ़ शासन ताम्रध्वज साहू जी हा महापरसाद विमोचन बर बधाई दिन अउ कहिन कि ये पुस्तक समाज बर धरोहर आय, एक बार एला जरूर पढ़व अउ माता करमा के संदेस ला जन-जन तक पहुंचावव। सबो मनोनीत अध्यक्ष अउ सदस्यगण मन ला कहिन कि साहू समाज ला कुछ करके दिखाना हे अउ साहू समाज के आदर्श प्रदेश मा प्रस्तुत करना हे। कार्यक्रम अध्यक्ष अर्जुन हिरवानी जी हा पुस्तक विमोचन अउ कर्मा चालीसा बर बधाई दींन अउ आगू कहिन कि समाज के एकजुटता के ही फल आय कि शासन हा हमन ला अतेक महत्त्वपूर्ण जिम्म्मेदारी सौंपे हे। सभा ला मोतीलाल साहू, विपिन साहू, डॉ बिहारीलाल साहू, शांतनु साहू संदीप साहू मन घलो संबोधित करिन।
कार्यक्रम ला सफल बनाय मा महिला प्रकोष्ठ छ.प्र.साहू संघ के संयोजक श्रीमती यामिनी साहू , सीमा संतोष साहू, अर्चना साहू अउ उनकर पदाधिकारी, साहित्य कला व रचनात्मक प्रकोष्ठ के प्रदेश संयोजक- धनराज साहू,पदाधिकारी- अजय अमृतांशु, रामकुमार साहू, गयाप्रसाद रत्नपुरिहा, जगदीश साहू, प्रमोद साहू रंगोली आर्टिस्ट , द्रोपती सरसिज ,पुष्पा गजपाल , पायल साहू अभिनेत्री, दीपक साहू कोरियोग्राफर , जनक राम साहू रतनपुर, माखन साहू , रामकुमार मयारू , नारायण साहू , डोलामणी साहू, केतन साहू , श्रवण साहू , रोशन साहू, तुका राम साहू, प्रदीप कुँवर दादा, वीरेंद्र साहू ,खेमराज साहू ,खिबी राम साहू , दुष्यंत साहू किसान प्रकोष्ठ के प्रदेश संयोजक लक्ष्मण कुमार साहू, मिंजून साहू ,चंद्रहास साहू ,परीक्षित साव, केशव साव, डुलीकेशन साहू चिकित्सा प्रकोष्ठ के प्रदेश संयोजक डॉ नीलकंठ साहू , डॉ धीरेंद्र साव, डॉ के के साहू , डॉ देवेंद्र साहू व प्रदेश भर से सबो प्रकोष्ठ के पदाधिकारी उपस्थित रहिन अउ उनकर भरपूर सहयोग रहिस। कार्यक्रम के संचालन नमित साहू अउ आभार प्रदर्शन लक्ष्मण साहू संयोजक किसान प्रकोष्ठ प्रदेश साहू संघ करिन।
